Се одржа 51. седница на Собранието на МНК ИКОМОС

На 26 февруари 2025 год., во Музејот на македонската борба во Скопје, се одржа 51. седница на Собранието на Македонскиот национален комитет на ИКОМОС. Седницата ја водеше претседателката на МНК ИКОМОС, Кристина Бицева, која детално ги презентираше и елаборираше точките од дневниот ред.

На седницата, од страна на членовите на Комитетот беа разгледани и усвоени годишните извештаи за работа на МНК ИКОМОС и на неговата Работна група на професионалци во подем за 2024 год. Исто така беше усвоена одлука за висината на членарината во здружението.

По повод неодамна прославениот Јубилеј – 30 години од основањето на Македонскиот национален комитет на ИКОМОС, на седницата беше промовирана и наменската монографија „30 години Македонски национален комитет на ИКОМОС“ во уредништво на Ивана Коцевска и Кристина Бицева, а во чија подготовка беше вклучен и Никола Трајковски.

Седницата ја заокруживме со претставување на книгата „Артемушкин и Скопје, архитектонско творештво меѓу двете светски војни“ од Ноеми Чаусидис и Мартин Ефремовски (Скопје, 2024), преку пригодна презентација од Мартин Ефремовски, член на Извршниот одбор на МНК ИКОМОС.